I går vart det kjent kven som vinn prisar i den årlege design- og konseptkonkurransen European Newspaper Award. Hallingdølen har grunn til å juble.
Hallingdølen publiserte sin første podkast tidlegare i år, og har sidan lansert fleire satsingar på podkast. I European Newspaper Award sin podkastkategori vert dei premierte for alt dei har gjort innan podkast med totalt tre prisar.
I nyheitspodkasten Høyr tar Hallingdølen opp saker som preger Hallingdal i dag. Dei sende inn alle episodane dei har laga, og fekk pris for satsinga. I serien Røynda har dei hittil gått i djupna på to saker: Trippeldrapet på Geilo, laga av Anna Huseby og Elias Dahlen og Hotellkongen og den vesle bygda, laga av Elias Dahlen og Ragnar Hilde. Begge fekk prisar. Her finn du Hallingdølen sine podkastar.
I kategorien Cover and coverstory fekk Hallingdølen pris for «Maktkabalen» med forside laga av Jarle Stanes.
I kategorien News pages fekk dei pris for magasinsaka om Hans: «Verst sidan Ofsen», laga av Magnus Lindahl og Jarle Stanes.
Innan Photo report fekk dei prisar for reportasjane «Jaktglede» av Ragnar Hilde og «To år i Norge» av Elias Dahlen.
I infographics-kategorien fekk dei pris for nyheitssaka «Slik skjedde ulykka» – Tesla i husveggen, laga av Embrik Luksengard, teikna ut av Jarle Stanes. Foto: Ragnar Hilde.