Landslaget for lokalaviser (LLA) og Mediebedriftenes Landsforening (MBL) la tysdag fram ferske opplagstal. Dei nye opplagstala tyder på at folk i heile Norge set stor pris på lokal, redaktørstyrt journalistikk.
Samanliknbare tal for dei rundt 125 avisene som er tilknytt LLA, viser tydeleg digital vekst – og altså stabile netto opplagstal.
LLAs generalsekretær Tomas Bruvik (bildet) seier dette om opplagstala:
– Det er gledeleg å sjå at lokalavisene står sterkt. Særleg i tider der mange kan vere litt uroa over alt som skjer ute i verda, er det godt å ha trygge ankerfester og møteplassar i livet. Lokalavisene bryr seg jo om nærmiljøet og kvardagen til folk. Det trur vi både lesarane og annonsørane våre set pris på, seier generalsekretæren i Landslaget for lokalaviser.
– Om to veker har LLA og lokalavisene landsmøte i Trondheim. Då skal vi framleis arbeide med produktutvikling og journalistikk. Samtidig må det vere lov å feire digital vekst og stabile opplagstal når rundt 200 dyktige lokalavismedarbeidarar og bransjefolk kjem saman, seier Tomas Bruvik.
Blant LLAs medlemsaviser er det Kyst og Fjord som går mest fram i antall eksemplar. Avisas totale opplag er no 3022. Det er 853 fleire enn året før for avisa som kjem ut i Kjøllefjord i Lebesby kommune i Finnmark, men som dekker fiskeri og arbeidslivet til folk langs heile Norgeskysten. Avisas opplagsauke er på nesten 40 prosent!
– Vi i Kyst og Fjord er ein godt sammensveisa stab med dyktige folk som har same mål. Det fører til ei god avis som folk vil lese, seier redaktør Øystein Ingilæ.
Blant LLAs øvrige opplagsvinnarar er Øyposten, Dag og Tid, Stord24, Gaula og Porten.no. Dei fleste av desse avisene har både solid vekst i antall eksemplar og flott prosentvis auke samanlikna med andre halvår året før.
Totalopplag for LLAs aviser er no nesten 400.000. Over halvparten av lokalavisene våre går fram, om lag halvparten litt tilbake. Digital-andelen for samanliknbare aviser aukar med over 25.000.
For meir informasjon:
Tomas Bruvik, generalsekretær i LLA, mobil 411 08 523, tomas@lla.no
Øystein Ingilæ, ansv. redaktør i Kyst og fjord, mobil 975 81 812, oystein@kystogfjord.no
Geir K. Hus, informasjonssjef i LLA, mobil 452 89 333, geir@lla.no
Her kan du laste ned exel-fila med alle opplagstall for alle aviser tilknytta LLA og MBL:
LLA_MBL_Opplag_andre_halvaar_2024