Randi Kleppe i Bladet Tysnes følgde Tysnes musikklag ein kveld under NM i brass, eit årleg høgdepunkt for korps frå heile landet.
Vanlegvis får Bladet Tysnes tilsendt bilete etter slike tilstellingar, og ringjer rundt etter kommentarar i ettertid. For å få ein annleis reportasje når ho først var til stades, valde Randi å følgja med på alt som gjekk føre seg både før, under og etter konkurransen. Då vart det også mykje meir spanande å skriva saka, fortel ho.
– Eg synest det er utruleg kjekt med slike reportasjar, og skulle gjerne laga endå fleire og meir omfattande reportasjar, men finn ikkje alltid tid til det i den vesle redaksjonen vår.
