Stranda
Bilde 1 av 11
Liabygda-scaled
Bilde 2 av 11
Hellesylt
Bilde 3 av 11
Geiranger
Bilde 4 av 11
Voss foto
Bilde 5 av 11
SveioGolfpark-scaled
Bilde 6 av 11
Ryvarden-scaled
Bilde 7 av 11
groftrem
groftrem FOTO: milochauBilde 8 av 11
Kanalen foto 2
FOTO: (C)Tom RiisBilde 9 av 11
Bømlo nytt foto 2
Bilde 10 av 11
Bømlo nytt foto reserve 1
Bilde 11 av 11

Sjå alle dei flotte stadene i Norge som lokalavisene viser fram

Nesten 40 lokalaviser i LLA-familien har gått saman om å gi lesarane tips om spennande reisemål i sommar. Gjennom Mitt ferietips landet rundt viser dei fram lokalavislandet Norge som eit spennande land å feriere i.


Vår felles reiselivsside (landet-rundt.no) er lansert og 27. mai starta vi med Dagens ferietips både på nettsida og den nye Facebook-sida Mitt ferietips landet rundt. Det var ordførar Linn Therese Erve i Sveio som fekk æren av å by på den aller første videoen med Dagens ferietips. Erve fortel blant anna om Ryvarden Kulturfyr (bildet). Helsinga til ordføraren finn du altså både på nettsida og Facebook-sida vår.

Avisene som er med i reiselivssamarbeidet kan også publisere videoar og anna innhald direkte i eigne nettaviser. Dei fleste avisene som er med i reiselivssamarbeidet, publiserer også reisetipsa i papirutgåvene sine. Alt under vignetten Mitt ferietips landet rundt.Bømlo-nytt var første avis som publiserte ferietips i papirutgåva si.

Til Medier24.no seier redaktør Randi Olsen i Bømlo-nytt at avisa gler seg til å vise fram kva dei har å by på.

– Og så er vi spent på kva avisene frå Lom eller Nordhordland har å lokke med, seier Olsen til M24.

Meir lesestoff og fleire annonser

– I krevjande tider for mediebransjen er det både viktig og flott at lokalaviser går nye vegar og prøver ut nye former for samarbeid. Vi har skrudd saman den nye reiselivspakken for å gi folk godt lesestoff, men også for at lokalavisene skal kunne hente nye annonseinntekter frå lokale og regionale annonsørar, seier markeds- og informasjonssjef Geir K. Hus i Landslaget for lokalaviser (bildet under). Reiselivssamarbeidet blir organisert gjennom Lokalavissamkjøringa.

Fordi innhaldet blir laga i samarbeid med reiselivsaktørar, kommunar og andre som er glade i distriktet sitt, er det innhaldsmarknadsføring vi syr sammen både på nett og i papirutgåvene våre. Der blir reiselivssidene merka med “annonsørinnhald”.

Den nye nettsida med dei første ferietipsa finn du her. Facebook-sida Mitt ferietips landet rundt finn du her.